الفرق بين الـ JIT و الـ MTo

لما نزلت نمط ال JIT ونزلت نمط ال MTO كنت عارف ان هايحصل تداخل بين الاثنين
وعشان كده كنت محضر شرح الفرق مابينهم 

ولو ماتعرف فده معنى الاختصارين وهاحط لينكات الشرح في التعليقات 

– JIT ( JUST IN TIME )
– MTO ( MAKE TO ORDER )

الفرق مابين النمطين بسيط جدا

– ال JIT بيكون انك بتصنع حسب حاجة الصنيع يعني مثلا أنا عايز اصنع النهاردة ١٠ سيارات يبقى هتجيب خامات ١٠ سيارات فقط ومش بالضرورة يكونوا مطلوبين او معمول بيهم اوردر هما ممكن يكونوا مصنعين بناء على forecasting

– ال MTO بيكون انك تصنع بعد الطلب يعني بالفعل تم طلب ١٠ سيارات فأنت مش هاتصنع إلا لما يتم الطلب بالفعل

– ال JIT بيعتمد على التصنيع في الوقت المناسب والمنتج له مواصفات قياسية

– ال MTO بيعتمد على التصنيع المخصص للعميل والمنتج له مواصفات خاصة

– ال JIT الإنتاجية فيه سريعة لأنه بيعتمد على تقليل الهدر والإنتاج مستمر من قبل الطلب والهدف تقليل المخزون من الخام والجاهز

– ال MTO الإنتاجية أبطئ لان الإنتاج يبدء بعد الطلب وبمواصفات مخصصة ومابيكونش في مخزون خامات او جاهز

وبس كده ياسيدي